గుత్తి వంకాయ కూర

కావలసిన పదార్థాలు

వంకాయలు - 5

ఉల్లిపాయలు - 1 పెద్దది సన్నగా తరిగినది

టమోటాలు - 2 సన్నగా తరిగినది

చింతపండు - 2 నిమ్మకాయంత

వేరుశెనగపప్పు - 15 - 20

తరిగిన పచ్చి కొబ్బరి - 1 /2 cup

వెల్లుల్లి - 4 - 5

అల్లం వెల్లుల్లి పేస్టు - 1 teaspoon

పసుపు - 1 teaspoon

కారం

ఉప్పు

ఆవాలు

మెంతులు

జీలకర్ర

ఎండు మిర్చి - 4

నూనె

• ముందుగ వేరుశెనగపప్పు ని ఒక పాన్ లో వేయించుకోవాలి.

• ఆఖరున ఎండు మిర్చి ని వేసి కూడా వేయించి దించేయాలి.

• వేరేగా ఆవాలు, మెంతులు, జీలకర్ర, కూడా వేసి వేగించుకోవాలి. ఎక్కువ వేగించ వద్దు లేకపోతే చేదు వస్తుంది.

• ఇప్పుడు వేగించుకున్న వాటిని అన్నిటిని, వెల్లుల్లి, ఉప్పు , పచ్చి కొబ్బరి కూడా వేసి కొంచం నీళ్ళు పోసి మెత్తగా రుబ్బుకోవాలి.

  

  

• వంకాయలను నాలుగు భాగాలుగా సగం వరకు కోసుకోవాలి. మొత్తం కోయకూడదు.

• ఇప్పుడు మధ్యలో చేసుకున్న పేస్టు ని కూర్హ్సుకొని పక్కన పెట్టుకోవాలి.

  

• ఇప్పుడు చింతపండు ని వేడి నీళ్ళల్లో నాన పెట్టాలి. ఐదు నిముషాల పాటు ఉంచి చింతపండు రసం తీసి పక్కన పెట్టుకోవాలి.

• ఇప్పుడు ఒక బాండలి లో తగినంత నూనె పోసి వేడి చేసుకోవాలి.

• అందులో తరిగిన ఉల్లిపాయలు వేసి వేగించుకోవాలి. ఆఖరున అల్లం వెల్లుల్లి పేస్టు వేసి వేయించాలి.

• ఇప్పుడు చేసుకొన్నా వంకాయలను కూడా వేసి రెండు నిముషాల పాటు వేయించాలి.

• అందులో తరిగిన టమోటా ముక్కలను కూడా వేసి ఉడికేంత వరకు వేయించాలి.

• ఇప్పుడు చేసుకొన్న చింతపండు రసం ని కూడా వేసుకోవాలి.

• అందులో తగినంత ఉప్పు, కారం పసుపు వేసి కలిపి నూనె పైకి తేలేంత వరకు ఉడికించుకోవాలి.

• అంతే గుత్తి వంకాయ కూర తయారు.